काठमाडौँ । सरकारले चालू वर्षका लागि निर्धारण गरेको कार्यालय समयअनुसार आज (कात्तिक १६) देखि सरकारी कार्यालयहरू बिहान १० बजेदेखि दिउँसो ४ बजेसम्म मात्रै खुल्ने भएका छन्।
यसअनुसार कात्तिक १६ देखि माघ १५ सम्म कार्यालय समय यही नियमित रहनेछ। यसअघि कार्यालयहरू बेलुकी ५ बजेसम्म सञ्चालन हुँदै आएका थिए।
लामो समयसम्म कार्यालय सञ्चालन गर्दा ऊर्जा र प्रशासनिक खर्च बढ्ने भएकाले सरकारले समय घटाउने निर्णय गरेको हो। यसले कर्मचारीहरूको काम गर्ने समयलाई व्यवस्थित गर्ने र कार्यालय सञ्चालनमा बचत हुने अपेक्षा गरिएको छ।
कात्तिक १६ देखि माघ १५ सम्म कार्यालय समय बिहान १० बजेदेखि दिउँसो ४ बजेसम्म कायम हुनेछ। शुक्रबार भने कार्यालय समय दिउँसो ३ बजेसम्म यथावत् रहनेछ।
