बाजुरा/ जिल्लाको हिमाली गाउँपालिका वडा नम्बर ६ दुर्गम पाँडी गाउँमा सडक संजाल जोडिदै गरेको छ।
विगत लामो समय देखि यातायात असुविधा भएको दुर्गम बस्ती रहेकोे ठाउँ हो। जहाँ गाउँबाट गाउँपालिका केन्द्र पुग्न ४ घण्टा पैदल यात्रा गरेर हिडेर पुग्ने गरिन्थ्यो। अहिले सडक संजाल जोडिएको हुँदा गाउँ बाट करिब आदि एक घण्टा हिडेर गाडी पुग्ने ठाउँ पुगिन्छ। आवतजावत गर्न स्थानीय लाई सजिलो भएको छ। दुर्गम गाउँमा सडक संजाल जोडिएको हुँदा स्थानीय विभिन्न कामकाजमा धेरै सहुलियत भएको छ। स्थानीय बासिन्दालाई रासन चामल, तेल, नुन जस्ता सामाग्री घरमा ल्याउन पहिले भन्दा अहिले दुख कम भएको छ। समान ओसारपसार गर्नुपर्ने काममा अहिले गाडी माध्यम लैजान सहज भएको छ।
गाउँमा भएका जटिल बिरामी लाई ठुलो र राम्रो अस्पताल लैजानका लागि गाउँ बाट आदि घण्टा पैदल यात्रा गरेर यातायातका सुबिधा सजिलोसँग पाएका छन। स्थानीय लाई गाउँ भन्दा केहि टाढा सडक पुग्दा त्यहाका जनता खुशी भएका छन। एकासी गाउँमा ठुलो घटना भयो त्यही मान्छेलाई राम्रो अस्पताल लैजान निम्ति गाउँ थोरै हिडेर गाडी चड्ने ठाँउ सम्म पुर्याउन र ल्याउन पहिलो अवस्था भन्दा अहिले धेरै राम्रो सुबिधा भएको छ। गाउँबाट कतै बाहिर जानुपर्ने अवस्थामा पनि गाउँ नजिकै सडक जोडिएको कारणले छिटोछरितो पुग्न सकिने अवस्था रहेकोे स्थानीय गोर बहादुर रोकायाले बताएका छन।
गाउँ देखि घण्टौ हिडिरहेका मान्छे अहिले गाउँ नजिकै सडक जोडिएको हुँदा गाडीमा चड्न पाएका छन। पहिला गाउँबाट वृद्ध भत्ता ल्याउन दुई दिन हिडेर धुलाचौर पुग्ने गरेका थिए। अहिले बिहान गएर साझाको समयमा सहजरूपमा घर आनन्द तरिकाले पुग्ने गरेका छन। पहिला बाजे बुवा डोटी र सिलगडी भन्ने ठाउँ सम्म हिडेर गाडी चड्ने गर्थे भने अहिले गाउँ नजिकै सडक संजाल जोडिएको हुँदा आदि घण्टा पैदल यात्रा गरेर पछि गाडी चडेर सुबिधा पाएका छन। राज्य संरचना फेरबदल भए संगै बिकास निकास निकै तिव्र रूपमा परिवर्तन भएको स्थानीय रोकायाले बताएका छन।
पाँडी गाउँ नजिकैको बुन्ना भन्ने ठाउँ सम्म सडक संजाल जोडिएको हुँदा स्थानीयले धेरै कामकाजमा सुबिधा पाएका छन। पहिला चामल ल्याउन घण्टौ हिडेर पिठ्युँमा बोकेर घरमा ल्याएर खाइरहेका थिए। अहिले गाउँ बाट एक घण्टा हिडेर रासन सामाग्री ओसारपसार गर्न सजिलो आदानप्रदान भएको छ। पहिलेका भन्दा बिकास तुलनात्मक रूपमा अहिले स्थानीय सरकार आइसके पछि फरक भएको छ्। विशेषगरी गाउँमा रहेका बुढाबुढी गाउँ बाट भत्ता ल्याउन सडक संजाल जोडिएको हुँदा गाडीको सेवा सुबिधा सहज रूपमा पाएका स्थानीय हर्कबहादुर रोकायाले बताएका छ्न।
अहिले गाउँ नजिकै सडक जोडिएको हुँदा गाउँ देखि धुलाचौर आउन जान एक देखि दुई दिन सम्म लागेर पुग्ने गरिएको थियोे। अहिले गाउँ बाट एक घण्टा हिडेर गाडी चढि आवतजावत गर्न पाएका छन। स्थानीय बासिन्दा गाउँ नजिकै सडक पुग्दा असाध्यै खुशी महसुस गरेका छन। अहिलेसम्म गाउँमा सडक पुग्ने सम्भावना भए पनि गाडी चड्ने सोचेको थिएन तर आज गाउँ नजिकै सडक बाट गाडी चड्न पाएका स्थानीय रोकायाले बताएका छन।
