बैतडीको एक होटेलमा आगलागी भएको छ। जिल्लाको पाटन नगरपालिका ४ थुमस्थित प्रकाश भट्टले सञ्चालन गरेको होटेलमा आइतबार राति ९ बजेतिर विद्युतको तार सट भइ आगलागी भएको जिल्ला प्रहरी कार्यालय बैतडीका प्रवक्ता प्रहरी निरीक्षक योगेश खत्रीले बताए।
जस्तापाताले छाएको कच्ची होटेलमा आगलागी हुँदा ६ लाख बराबरको क्षति भएको प्रहरीले जनाएको छ। आगलागीबाट होटेलमा रहेका सबै फर्निचर र अन्य सामग्री जलेर नष्ट भएका छन्। यस्तै होटेलकै एक कोठामा किराना पसल पनि सञ्चालन गरेको र पसलभित्रका सबै सामग्री जलेर नष्ट भएका प्रहरीले जनाएको छ।
इलाका प्रहरी कार्यालय पाटनबाट प्रहरी निरीक्षक कमलप्रसाद चौधरीको नेतृत्वमा खटिएको प्रहरी टोली, स्थानीय र पाटन नगरपालिकाको दमकलको सहयोगमा आगो नियन्त्रणमा लिइएको छ।
प्रतिक्रिया
सम्बन्धित खवर
