सनल म्युजिक अवार्डस् (एनएमए) २०८१’ मा उत्कृष्ट ब्यान्डको अवार्ड कुम: सागर एन्ड द ख्वपले प्राप्त गरेको छ ।
कुम: सागर पछिल्लो समय युवापुस्ताका लोकप्रिय गायक हुन् । रेडियो कान्तिपुरले गोदावरी सनराइज कन्भेन्सन सेन्टरमा आज आयोजना गरेको कार्यक्रममा १४ विधामा अवार्ड घोषणा कार्यक्रम भइरहेको छ ।
संगीतको कुनै पनि औपचारिक शिक्षा नलिएका कुमः सागर असलमा ‘म्युजिक डिजाइन’ गर्ने गायक हुन्, जो युवापंक्तिका प्रिय गायक–अवतारका रूपमा चिनिन्छन् । उनका गीत सुन्दा पश्चिमा जस्तो पनि लाग्छन्, लोकजस्तो पनि । र, सुन्दै जाँदा रक, पप र भजनजस्तो पनि । उनका गीतमा यी सबैको फ्युजन भेटिन्छ ।
कुमःको ‘द ख्वपः ब्यान्ड’ केवल भक्तपुरको होइन, देशकै सान बनेको छ । मुलुकभित्र होस् वा विदेशमा, जताततै कुमः र उनको ब्यान्डको माग छ । गीत–संगीतका जानकारहरू कुमःका गीतले लामो अन्तरालपछि नेपाली संगीतमा नयाँपन ल्याएको दाबी गर्छन् । त्यही भएर नै कुमःका सिर्जनालाई संगीतप्रेमीले हृदयदेखि स्वागत गरेको र हौसलाको हातले धाप मारिरहेको उनीहरूको ठम्याइ छ ।
