अभिनेता सारुक ताम्राकार मृत फेला परेका छन् । उनी काठमाडौं रातोपुलस्थित घरमा मृत फेला परेका हुन् ।
काठमाडौं जिल्ला प्रहरी परिसरका प्रवक्ता एसपी सीताराम रिजालले दिएको जानकारी अनुसार ताम्राकार हिजो (बिहीबार) राति ११ बजे झुण्डिएको अवस्थामा मृत फेला परेको थिए ।
उनको मृत्युबारे हालसम्म कुनै कारण नखुलेको रिजालले बताए । घटनास्थलको मुचुल्कापछि उनको शवलाई पोस्टमार्टमका लागि त्रिवि शिक्षण अस्पतालमा पुर्याइएको छ ।
घटनाको थप अनुसन्धान भइरहेको प्रवक्ता रिजालले जनाए ।
उनले फिल्म ‘रानी’बाट अभिनय करिअर थालेका थिए । ‘मेरी मामु’ र ‘इन्टु मिन्टु लण्डन’मा अभिनय गरेका छन् । उनी पछिल्लो समय फिल्म ‘ह्यासट्याग माया’को छायांकनमा ब्यस्त थिए ।
यो फिल्मको अहिले ४५ प्रतिशत मात्र छायांकन सकिएको छ । सारुक पाका अभिनेता सानु ताम्राकारका छोरा हुन् । पिताको लिगेसी पछ्याउँदै उनी फिल्म अभिनयमा आइपुगेका थिए ।
