काठमाण्डाै – नेपाल प्रहरीकी सहायक निरीक्षक (असई) कुन्जाङ छोपेल शेर्पाले सर्वोच्च शिखर सगरमाथाको सफल आरोहण गर्नुभएको छ । प्रहरीको साइबर ब्युरोमा कार्यरत असई शेर्पाले आज बिहान ८ बजेर ५६ मिनेटमा सगरमाथाको आरोहण गर्नुभएको प्रहरी प्रधान कार्यालयले जानकारी दिएको छ ।
शेर्पाले सगरमाथा आरोहण गरेको भन्दै प्रहरी महानिरीक्षक (आईजीपी) दीपक थापाले बधाई दिनुभएको छ । उहाँलाई गएको चैत २५ गते आईजीपी थापाले लैङ्गिक हिंसाविरुद्धको नारासहितको ब्यानर हस्तान्तरण गर्नुभएको थियो ।
यसअघि असई शेर्पाले लोबुचे हिमालको आरोहण गर्नुभएको थियो ।
