धनगढी / अछामको कमलबजार नगरपालिका र ढकारी गाउँपालिकामा पहिरोमा पुरिएर थप ६ जनाको मृत्यु भएको छ ।
कमलबजार नगरपालिका–६ मा पहिरोले घर पुरिदा बेपत्ता भएका ७ मध्ये चार जनाको शव भेटिएको सहायक प्रमुख जिल्ला अधिकारी दिपेश रिजालले जानकारी दिए । उनकाअनुसार पहिरोमा पुरिएका अन्य तीन जनाको खोजी भइरहेको छ ।
ढकारी गाउँपालिका–६ मा पनि पहिरोले घर पुरिदा दुई जनाको मृत्यु भएको रिजालले बताए । उनकाअनुसार तीन जनालाई घाइते अवस्थामा उद्दार गरिएको छ ।
उनीहरुको उद्दारका लागि हेलीकोप्टर मगाइएको छ । यसअघी तुर्माखाद गाउँपालिका–५ को नाडामा पहिरोले घर पुरिदा २ जनाको मृत्यु भएको छ भने ७ जना बेपत्ता भएका छन् ।
बेपत्ताहरुको खोजी कार्य भइरहेको प्रहरीले जनाएको छ ।
