कपिलवस्तु – कपिलवस्तुमा आगलागीमा परेर दिदी भाइको ज्यान गएको छ । हिजो बेलुका खाना पकाउने क्रममा ग्यासको सिलिन्डर लिक भएर आगलागी हुँदा शुद्धोदन गाउँपालिकाको जयनगरमा १८ वर्षीय सोनम यादव र उहाँका भाइ शिवकुमार यादवको ज्यान गएको हो ।
सोनमको उपचारका क्रममा र शिवकुमारको उपचारका लागि अस्पताल लैजाँदा बाटोमै ज्यान गएको जिल्ला प्रहरी कार्यालय कपिलवस्तुले जनाएको छ ।
आगलागीबाट गम्भीर घाइते भएका उनीहरुलाई युनिभर्सल मेडिकल कलेज, भैरहवामा उपचारका लागि पठाइएको थियो । घटनाबारे अनुसन्धान भईरहेको प्रहरीको भनाइ छ ।
प्रतिक्रिया
सम्बन्धित खवर
